Здравјето на децата претставува општествена одговорност, а училиштето е средина во која се стекнуваат навики што го следат човекот низ целиот живот. Во таа насока, Центарот за јавно здравје потсетува на значењето на следниве превентивни практики:
- Вакцинација според Националниот календар за имунизација.
- Редовно и правилно миење на рацете како основна мерка за спречување на ширење на заразни заболувања.
- Балансирана и здрава исхрана, со редовно консумирање овошје, зеленчук, доволна количина вода за подобра концентрација и енергичност.
- Правилна телесна положба при седење во училишните клупи како превенција од нарушено држење на телото и мускулно-скелетни проблеми.
- Физичка активност, која придонесува за правилен раст и развој.
- Редовен и квалитетен сон, неопходен за когнитивни способности и психофизичка стабилност.
Центар за јавно здравје Тетово останува посветен на промоција на здрави животни стилови и обезбедување на поддршка во заедницата со цел создавање на безбедна и здрава средина за сите ученици.
На учениците, наставниците и родителите им посакуваме успешна и здрава учебна година.